Kameme FmKameme Fm News

Minister wa Urimi kuuria akenya aria magumiirwo ni Ngigi mamenyithie thirikari

Niguo kuhurana na ngige iria ikoretwo ikiagagia arimi mwena wa rugongo wa bururi, minister wa urimi Mwangi Kiunjuri nioritie aikari a matuura maria magumiirwo ni nyamu icio kumenyithia honge cia thirikari niguo ihurwo dawa.

Kiunjuri augite mathaa mega ma kuhurana na nyamu icio ni kiroko riria irokira amu ciambiriria kumbuka niirakorwo na moritu gukinyirika.

Oho niongereire ati nimaramurika uria nyamu icio itekuhungura kaunti ta Meru, Kitui, Embu kana Laikipia, akiuga nimararutithania wira na mangavana a kaunti icio.

Ona gutuika tharikiro ta icio ciagirirwo ni kuhuranwo nacio rungu rwa unyitaniri na thirikari ingi, kwa ihinda riri Kenya niyo iri na murigo wa kuhurana nacio Kiunjuri akiuga ari na mwihoko nimekugia na ndege ya gatagatu ya kuhurana nacio.

 

Show More

Related Articles

Close