Mayian FmMayian Fm News

Ntutu:Kenare nepuo inkera pooki nataasa KCPE isukuulini e sekondari

Eikilikuana oloti lorministai teministri eseriani eatua olosho a Patrick Ole Ntutu intoiwuo peenyok meshomo inkera naishutua apa entemata e KCPE enkilasi e form one eiterunye enkolong e taata

Eitukuja naa sii Ole Ntutu ilarikok a irbungei tenebo MCAs peeretu inkera naidimayu nemeeta irropiyiani e school fees te kaunti e Narok ,ejo eyieunoto e serkali peepuo inkera pooki isukuulini e sekondari

Ore naake eyia neija negira aima erishata nagol orbanoti obo temurua e bunge e Narok North tenkaraki natala  irropiyiani  najingie enkilasi edukuya e form one hoo neima oleng tentemata e kcpe tolari otulusoiyie

Ore ilo barnoti yioloti enaa Joshua Korenta Ololchike nenoto naapa imakisi nabaya 417 tentemata e KCPE

Eibalie naa etangasa apa eretoto tenaboisho embenki e Equity wings to fly kake neitayuni enkarna enye tenkoitoi nemeibala

Ore naa tenshoto enye Joshua Ole Kaputa oitasheiki eramatare osotua te kaunti e Narok neikilikuana orbungei Ole Kenta peejingaki aretu ina kerai tesiokinoto oleng

 

Show More

Related Articles

Close