Meru FmMeru fm news

Gucindwa kwa Mariga Kibra kumanitie na nkujanio iria iraumire, abunge bamwe ba Jubilee kuuga

Mucindaniri giti na tigiti ya kiama kia ODM nteere cia Kibra Imran Okoth niwe acindite ithuurano nini jia ubunge nteere iu.

Kuringana na kamiti ya ithuurano na mianka IEBC Imran acindite na kura 24,636 athingatirwa ni Macdonald Mariga wa Jubilee ena kura 11,230, nawe Eliud Owalo wa ANC agwata kura 5,275.

Nyuma ya gutumirwa ta mucindani Imran ataitha gikeno kiawe kuria acokerie muingi nteere jia kibra nkatho niuntu bwa kumua kura ino na auga akarutira muingi wira.

Au kabere Mariga gwitukira thimu niakumirie imran niuntu bwa ucindani uu kuria augite akagwatinira anwe gukinyaniria miradi ya uthii nambere.

Ona guukari ugu abunge ba kiama kia Jubilee bariuga gucindwa kwa Mariga kumanitie na nkujanio iria ironekanire na bauga mwaka wa 2022 no bajukirie giti kiu.

Show More

Related Articles

Close